Rachel Murphy, nënë e një djali 2-vjeçar, kishte pranuar të merrte nën kujdes një foshnjë vetëm disa muajshe, e cila ishte lënë në spital pas lindjes. “Kur e pashë për herë të parë, ndjeva një lidhje të menjëhershme. Ishte sikur e njihja prej kohësh,” rrëfeu Rachel për kanalin lokal Denver7 News.
Por me kalimin e ditëve, ajo vuri re diçka të pazakontë. Foshnja kishte të njëjtat sy, të njëjtin buzëqeshje dhe madje një njollë lindjeje identike me atë të djalit të saj. Fillimisht ajo mendoi se ishte një rastësi e bukur, por ndjenja e fortë që kishte nuk e linte të qetë.
E shtyrë nga intuita, Rachel kërkoi që të bëhej një test ADN-je për vajzën e vogël. Rezultatet e testit ishin tronditëse: vajza ishte motra biologjike e djalit të saj, e lindur nga e njëjta nënë biologjike, por dhënë për kujdestari disa muaj më vonë. “Nuk mund ta besoja. Çfarë janë gjasat që të më caktojnë pikërisht mua kujdestaren e motrës së djalit tim?”, tha ajo me lot në sy.
Autoritetet e kujdestarisë konfirmuan më pas se përputhja ishte krejt rastësore. Sistemi nuk kishte lidhur dokumentet e fëmijëve për shkak të rrethanave të ndryshme të lindjes. Pas zbulimit, Rachel vendosi të adoptojë edhe vajzën, në mënyrë që të dy fëmijët të rriteshin bashkë si vëlla e motër.
Historia e Rachel-it u përhap me shpejtësi në rrjetet sociale, duke prekur miliona njerëz. “Ky është një mrekulli e jetës — prova se ndonjëherë universi gjen mënyra të çuditshme për të bashkuar ata që janë të destinuar të jenë bashkë,” komentuan përdoruesit në Facebook.