Linda Rei, një nga personazhet më të komentuara të këtij edicioni, ka ngritur alarmin për mungesën e insulinës, një medikament jetik për të.
Në një video që është bërë virale brenda pak orësh, Linda shihet qartë e shqetësuar teksa u rrëfen banorëve se produksioni nuk ia ka sjellë ende insulinën.
“Gjëja më absurde është që unë ende nuk e kam insulinën në dorë”, dëgjohet ajo të thotë me ton të ngarkuar emocional. Problemi ka marrë vëmendje të madhe sidomos pasi një natë më parë ajo pati një incident shëndetësor dhe u detyrua të kërkonte ndihmë në dhomën e rrëfimit.
Insulina, hormon thelbësor për kontrollin e sheqerit në gjak, është e domosdoshme për personat me diabet apo me çrregullime të tjera hormonale që kërkojnë terapi të përditshme. Mungesa e saj për një kohë të gjatë mund të sjellë pasoja të rënda, fakt që e bën situatën edhe më shqetësuese për gjendjen e Lindës.
Rasti ka ndezur reagime të forta në rrjetet sociale, ku shumë ndjekës kërkojnë ndërhyrje të menjëhershme të produksionit për të garantuar medikamentin dhe sigurinë e banorës. Ndërkohë, në shtëpinë e BBVK, tensioni është rritur, pasi edhe vetë banorët duken të shqetësuar për shëndetin e saj.
Ngjarja po përshkallëzohet shpejt, ndërsa publiku kërkon transparencë dhe zgjidhje të menjëhershme për një çështje që lidhet drejtpërdrejt me jetën dhe sigurinë e konkurrentëve.
..