Edi zbulon me kë nuk do të mbajë kontakt jashtë shtëpisë së Big Brother
Gjatë “Darkës së të nominuarve”, banorët u përballën me një mori pyetjesh mbi marrëdhëniet e tyre brenda dhe jashtë shtëpisë së Big Brother. Kur u pyet se me kë nuk mund të mbante kontakt jashtë, Edi zgjodhi të përmendë Labinot Rexhën, duke shpjeguar se ai po mundohet ta provokojë, por kjo nuk do të ndodhë kurrë.
Edi shtoi se, për pjesën tjetër të banorëve, nuk ka problem të ruaj marrëdhënie edhe pas përfundimit të eksperiencës: “Unë sipas eksperiencave të mëhershme kam qejf dhe mund të takojë secilin banor edhe për jashtë. Mendoj se kjo është një eksperiencë që na është ofruar të gjithë, dhe nuk ka arsye për të mos mbajtur shoqëri me të gjithë.”
Megjithatë, Edi theksoi se një person i vetëm mbetet përjashtim, duke u shprehur se arsyet janë private dhe nuk lidhen me lojën brenda shtëpisë: “Ka disa arsye private që ai po i përdor, ose do t’i përdorë brenda shtëpisë, por kjo nuk do të ndodhë që të më ndodhë mua,” përfundoi ai.