Një 101-vjeçare nga Spanja, Inaxi Lasa, ka tërhequr vëmendjen botërore pasi kalon dy orë në ditë në palestër dhe ndan sekretet e jetëgjatësisë së saj. Ajo ka mbijetuar Luftën së Dytë Botërore, kancerit të gjirit, frakturave të legenit, operacioneve të syrit dhe madje Covid-19 në moshën 98-vjeçare.
E moshuara, e ndjekur nga mbi 130 mijë persona në rrjetet sociale, thotë se çdo ditë përballet me osteoartritin, por aktiviteti fizik e mban të fortë. Lasa nuk humbet asnjë ditë stërvitje dhe shpesh shoqërohet nga djali i saj 63-vjeçar, Inaku.
Udhëtimi i saj në fitnes nisi rastësisht, kur kujdestari i saj i dhuroi kartën e anëtarësimit në palestër. Ajo tregon se stërvitjen e filloi në moshën 94-vjeçare, pas një jete të gjatë aktiviteti, duke e shoqëruar këtë rutinë me shëtitje të përditshme.
Inaxi thekson se ushtrimet e bëjnë të ndihet gjallë dhe e ndihmojnë për mirëqenien mendore. Dikur kishte dy trajnerë personalë, por tashmë mund t’i kryejë vetë ushtrimet, ndërsa djali e ndihmon për shkak të problemeve me shikimin.
Sekreti i saj nuk është vetëm palestra: Lasa ndjek një dietë të pasur me vaj ulliri, perime të freskëta dhe produkte vendase, duke shmangur disa përbërës të zakonshëm. Sipas saj, “ushtrimet dhe ushqimi i shëndetshëm janë ilaçi më i mirë për jetëgjatësinë”.
