Kosova Ndërton Fabrikën e Parë të Municioneve, Municionet e Parë në Fund të 2026
Kryeministri në detyrë i Kosovës, Albin Kurti, njoftoi se municionet e para nga fabrika e armatimeve që do të ndërtohet në Gjakovë, pritet të prodhohen në fund të vitit 2026.Qeveria ka miratuar shpronësimin e ish-kombinatit bujqësor Ereniku dhe ndërtimin e zonës industriale në Jahoc, ku do të jetë fabrika e re, e para e këtij lloji në Kosovë, e cila do t’i shërbejë ushtrisë dhe do të rrisë kapacitetet mbrojtëse të vendit.
⏩𝐊𝐋𝐈𝐊𝐎 𝐊𝐄𝐓𝐔-LEXO LAJMIN E 2..
Procesi për ndërtimin e fabrikës filloi në fund të vitit të kaluar, kur Prishtina zyrtare firmosi marrëveshje me prodhuesin turk të industrisë Makine ve Kimya Endüstrisi. Përveç municioneve, zona industriale do të shërbejë edhe për investitorë të tjerë dhe do të prodhojë lloje të ndryshme të produkteve ushtarake, përfshirë dronë ushtarakë dhe civilë “Made in Kosova”. Kryeministri Kurti theksoi se ky investim përputhet me pajisjen e FSK-së me armatime moderne gjatë mandatit të tij katërvjeçar, ku janë shpenzuar mbi 430 milionë euro për blerje të pajisjeve të avancuara.
FSK-ja po transformohet aktualisht në ushtri të rregullt dhe pritet që deri në vitin 2028 të ketë mbi 7.500 pjesëtarë aktivë dhe rezervistë, nga rreth 4.000 sa janë aktualisht. Sipas qeverisë, shtimi i kapaciteteve prodhuese të brendshme dhe investimet në teknologji të avancuar, përfshirë dronët dhe autoblindat e blera nga prodhues amerikanë, synon të forcojë sigurinë dhe pavarësinë strategjike të vendit.