Kontrolli i Lartë i Shtetit ka zbuluar probleme serioze në menaxhimin e pagesave nga Instituti i Sigurimeve Shoqërore.
Auditimi ka evidentuar raste të pagesave të dyfishta dhe pagesa për përfitues që kanë ndërruar jetë, duke shkaktuar humbje financiare për shtetin. Për vitin 2024, janë regjistruar 821 raste të tilla, me një dëm prej 36.9 milionë lekësh.
⏩𝐊𝐋𝐈𝐊𝐎 𝐊𝐄𝐓𝐔-LEXO LAJMIN E 2..
Sipas raportit, pjesa më e madhe e dëmit, rreth 29 milionë lekë, është rikuperuar deri më 31 dhjetor përmes arkëtimeve në postë, banka dhe urdhër-xhirime. Megjithatë, për periudhën Janar–Dhjetor 2024, janë identifikuar 11,030 raste ku janë përfituar të ardhura pas vdekjes së përfituesve, me një vlerë totale prej mbi 114 milionë lekësh, ku 232 raste nuk kanë efekte financiare, ndërsa 10,798 raste kanë pasur ndikim ekonomik.
Derisa janë arkëtuar rreth 100 milionë lekë nga këto raste, ende mbeten fonde të pa arkëtuara në vlerën 36,3 milionë lekë që kërkojnë vëmendje të shtuar për t’u shlyer plotësisht. Kontrolli i Lartë i Shtetit thekson nevojën për masa të mëtejshme për të parandaluar parregullsitë dhe për të garantuar menaxhimin korrekt të pagesave për përfituesit.