Zegjine Caushi reagon pas lajmeve mbi punën te “Illyrian Guard”
Deputetja socialiste Zegjine Caushi ka reaguar pas spekulimeve mediatike që lidhnin emrin e saj me punësimin si roje në kompaninë “Illyrian Guard”.
Në një sqarim publik, ajo ka theksuar se pozicioni i saj në këtë kompani ishte si juriste, dhe se angazhimi i saj ka qenë nga 16 maj 2024 deri më 25 mars 2025, ndryshe nga çfarë u raportua në media.
Caushi thekson gjithashtu se gjatë katër viteve të fundit ka mbajtur edhe pozicione të tjera profesionale, përfshirë specialiste e Emergjencave Civile, kryeinspektore e IVMT dhe juriste pranë shoqërisë “BA2” shpk. Ajo siguron se të ardhurat e saj janë deklaruar zyrtarisht dhe të dokumentuara sipas ligjit.
Deputetja u shpreh se qytetarët meritojnë informacion të saktë dhe të verifikuar dhe i bën thirrje mediave të ushtrojnë profesionin brenda kufijve të fakteve. “Qytetarët meritojnë informacion të saktë, dhe unë do të vazhdoj të jem transparente në çdo hap,” tha ajo.
