Qarkullimi në aksin Librazhd–Elbasan është paralizuar këtë të diel, duke krijuar një bllokim të gjatë mbi 16 kilometra për shkak të punimeve të zvarritura dhe fluksit të madh të automjeteve që lëvizin drejt Tiranës.
Qindra qytetarë kanë mbetur të mbërthyer në trafik për më shumë se një orë, ndërsa rruga kryesore është kthyer në një pikë të nxehtë kaosi që po vështirëson ndjeshëm qarkullimin në një nga segmentet më problematike të qarkut.Sipas raportimeve nga udhëtarët, mungesa e prezencës policore në terren ka përkeqësuar situatën, duke bërë që trafiku të mbetet plotësisht i pakontrolluar.
Ndërsa patrullat merren me gjoba për parkime të gabuara në zona urbane, segmenti kryesor Librazhd–Elbasan është lënë pa mbikëqyrje, duke krijuar një situatë që qytetarët e përshkruajnë si “të pamundur për t’u kaluar”.