• Bankat europiane po përshpejtojnë transformimin digjital, të shtyra nga rënia e përdorimit të parasë fizike dhe rritja e pagesave elektronike.
Për shkak të kostove të larta të mirëmbajtjes dhe përdorimit gjithnjë e më të ulët, institucionet financiare kanë nisur të mbyllin bankomatet tradicionale, duke i zëvendësuar me pajisje moderne multifunksionale. Këto terminale të reja ofrojnë jo vetëm tërheqje dhe depozitime, por edhe identifikim automatik të kartës dhe kryerjen e një sërë operacionesh bazike, pa komisione shtesë, madje edhe për klientët e bankave të tjera.
• Franca po konsiderohet si vendi pararojë i këtij tranzicioni, me rreth 7.000 pika të reja digjitale shërbimi që pritet të instalohen gjatë vitit të ardhshëm. Mijëra bankomate klasike do të hiqen nga qarkullimi, sidomos në zonat urbane ku përdorimi i tyre ka rënë ndjeshëm. Sipas industrisë, kjo lëvizje synon të ulë kostot operacionale, të rrisë efikasitetin dhe t’i përgjigjet sjelljes së re të konsumatorëve në tregun financiar të epokës digjitale.