Detaje të reja kanë dalë për vrasjen e biznesmenit Edmond Mëhalla më 30 nëntor, ku dyshohet se ekzekutori është shtetas i huaj.
Identiteti i tij ende nuk është zbuluar, ndërsa hetimet vijojnë për të sqaruar plotësisht rrethanat e ngjarjes.
Në lidhje me ngjarjen, është arrestuar Nevzat Spaho, 29 vjeç nga Prrenjasi, i dyshuar për bashkëpunim në vrasje. Hetuesit po ndjekin edhe Marselo Aranin dhe Armando Kolën si bashkëautorë të mundshëm, ndërsa Spaho ka mohuar dijeninë për ekzekutorin dhe tha se automjeti i përdorur iu dorëzua disa personave nga Lezha.