Në Gjermani, kushdo që jep informacion të rremë ose të paplotë gjatë procesit të nënshtetësisë mund të ndalohet të bëhet shtetas për dhjetë vjet.
Ky amendament u miratua më 3 dhjetor nga Komisioni për Punë të Brendshme i Bundestagut dhe u votua nga konservatorët, Socialdemokratët dhe Alternativa për Gjermaninë, ndërsa Të Gjelbërit dhe të Majtët votuan kundër.
Ndryshimi i ligjit vjen pas hetimeve mbi certifikatat e falsifikuara të gjuhës dhe përcakton ndalimin për dhjetë vjet në rast mashtrimi, kërcënimi ose ryshfeti. Projektligji përfshin gjithashtu heqjen e së drejtës për mbështetje juridike të financuar nga shteti për të huajt në qendrat e paraburgimit ose për dëbim, ndërsa diskutohet për miratim përfundimtar në seancën plenare.