Në Shqipëri, rastet e reumatizmës po rriten, duke prekur edhe të rinjtë nën 30 vjeç, shkaktar kryesor janë stili i keq i jetesës dhe kequshqyerja.
Reumatizma shkakton dhimbje në kyçe dhe dëmtim të tyre, ndërsa mjekët theksojnë se mungesa e aktivitetit fizik dhe një regjim ushqimor i dobët përkeqësojnë situatën. Studimet tregojnë se përdorimi i pluhurit të trëndafilit të egër mund të reduktojë deri në 90% dhimbjet e shkaktuara nga kjo sëmundje, duke ndikuar pozitivisht në shëndetin dhe forcën e kockave.
Për përgatitjen e pluhurit, trëndafilat e thatë shtypen në havan guri dhe më pas kalohen në sitë për të marrë pluhurin. Doza e rekomanduar është 5 gramë në ditë, për një periudhë 1 deri në 3 muaj, të konsumuar të shkrirë në ujë ose direkt, gjithmonë me këshillën e mjekut. Studimet britanike tregojnë se pas tre javësh përdorimi, pacientët me osteoporozë shfaqën reduktim të dukshëm të inflamacionit dhe dhimbjeve të kyçeve, duke e bërë këtë suplement një kurë të rekomanduar për artritin.