Një 37-vjeçar nga Berati, Fabiel Xhindi, ka mbetur i plagosur me armë zjarri pak pas mesnatës dhe është paraqitur në spital i shoqëruar nga një mik.
Sipas të dhënave paraprake, ngjarja dyshohet të ketë ndodhur pas një konflikti në lagjen “Kombinat”, ku Xhindi është përplasur me disa persona që udhëtonin me makinë. Viktima nuk ka dhënë detaje për incidentin, ndërsa policia konfirmon se ai ndodhet jashtë rrezikut për jetën.
Grupi hetimor po punon për zbardhjen e konfliktit dhe identifikimin e autorëve.