Drejtoria e Përgjithshme e Arkivave ka prezantuar 3 botimet më të reja studimore, që trajtojnë figura historike dhe të fushës së arkivistikës.
Botimet e prezantuara vijnë pas thirrjes periodike të DPA-së, për të përgatitur studime mbi një larmi temash në rrafshe të ndryshme të veprimtarisë publike.
Pas më shumë se një dekade, Angelina Jolie zbulon SHENJAT pas operimit në gjoks
Të pranishëm në këtë aktivitet ishin zëvendësdrejtori i përgjithshëm i Arkivave, Endrit Musaj, përfaqësuesit e Agjencisë Shtetërore të Arkivave të Kosovës (ASHAK), Bekim Aliu dhe Habibe Qovanaj, akademikë, si dhe arkivistë, studentë e studiues të fushave përkatëse.
Endrit Musaj u shpreh se këto botime japin një kontribut në historiografinë shqiptare, duke u bërë thirrje të gjithë të interesuarëve të aplikojnë dhe të dërgojnë propozimet e tyre, sipas kritereve të përcaktuara nga DPA-ja.
DPA prezanton 3 botime të reja studimore
Në fjalën e tij përshëndetëse, Aliu vlerësoi bashkëpunimin e vijueshëm me DPA-në në publikimin e përvitshëm të revistës “Arkivat Shqiptare”, e cila përfaqëson një produkt kulturor përtej kufijve shtetërorë. Ndërsa, Qovanaj shpalosi përmbajtjen e revistë arkivore, të vetmes në mbarë trojet shqiptare. Për të nëntin vit, ky publikim përmbledh punimet e Konferencës periodike Mbarëkombëtare të Arkivistikës, të paraqitura prej studiuesve dhe arkivistëve nga Shqipëria, Kosova, Maqedonia e Veriut dhe Mali i Zi.
Dy prej botimeve të publikuara rishtas vijnë në trajtën e punimeve monografike ose të përmbledhjeve të dokumenteve rreth personaliteteve dhe zhvillimeve historike.
