Pas gjashtë muajsh pritet të publikohet vendimi i plotë i Gjykata Kushtetuese për çështjen e Onejda Ymeraj, e cila ka rëndësi të veçantë për mënyrën se si SPAK sekuestron dhe kontrollon telefonat e qytetarëve. Rasti lidhet drejtpërdrejt me kufijtë e ndërhyrjes në privatësinë e personave, edhe kur ata nuk janë subjekt hetimi.

Në korrik 2026, Gjykata Kushtetuese rrëzoi veprimet e SPAK ndaj Onejda Ymeraj, punonjëse në një spital privat, në kuadër të hetimeve për ish-zëvendëskryeministrin Arben Ahmetaj. Gjykata urdhëroi fshirjen e të gjitha të dhënave dhe komunikimeve të marra nga telefoni i saj që nuk kishin lidhje direkte me hetimin.

Vendimi krijon një precedent të rëndësishëm ligjor, duke përcaktuar se kontrolli i telefonave nga SPAK duhet të kufizohet vetëm në informacionin relevant për çështjen konkrete. Sipas Gjykatës Kushtetuese, ndalohet administrimi apo përvetësimi i të dhënave personale dhe intime, ndërsa SPAK ka deklaruar se do të presë vendimin përfundimtar për të sqaruar hapat e mëtejshëm.

⏩𝐊𝐋𝐈𝐊𝐎 𝐊𝐄𝐓𝐔⏪ 𝐏𝐄𝐑 𝐓𝐄 𝐋𝐄𝐗𝐔𝐀𝐑 𝐋𝐀𝐉𝐌𝐈𝐍 𝐄 𝟐..!!!