Bota e modës i ka dhënë lamtumirën një prej figurave më ikonike të saj. Valentino Garavani, stilisti legjendar italian i njohur për elegancën e përjetshme dhe ngjyrën emblematike “Valentino Red”, ka ndërruar jetë në moshën 93-vjeçare në vilën e tij në Romë, i rrethuar nga njerëzit më të afërt. Lajmi u konfirmua nga Fondacioni Valentino Garavani dhe Giancarlo Giammetti dhe nga partneri i tij i jetës e bashkëpunëtori historik, Giancarlo Giammetti.

Pas ndarjes së tij nga jeta, vëmendja është rikthyer te partneriteti unik mes Garavanit dhe Giammettit—një lidhje që nisi në Romë në vitin 1960 dhe u shndërrua në një bashkëjetesë njerëzore, artistike dhe profesionale për më shumë se gjashtë dekada. Giammetti la studimet për t’iu përkushtuar menaxhimit të shtëpisë së modës Valentino, duke i dhënë stilistit lirinë për t’u fokusuar te krijimtaria. Edhe pas përfundimit të romancës së tyre, marrëdhënia u thellua në respekt, besim dhe vizion të përbashkët.

⏩𝐊𝐋𝐈𝐊𝐎 𝐊𝐄𝐓𝐔⏪ 𝐏𝐄𝐑 𝐓𝐄 𝐋𝐄𝐗𝐔𝐀𝐑 𝐋𝐀𝐉𝐌𝐈𝐍 𝐄 𝟐..!!!

Edhe pas tërheqjes nga pasarela në vitin 2008, bashkëpunimi i tyre vijoi në projekte kulturore, artistike dhe filantropike. Në vitin 2016, ata themeluan fondacionin që mban emrat e tyre, për të promovuar artin, modën dhe kulturën italiane. Trashëgimia e Valentino Garavanit—nga haute couture te ndikimi global—mbetet e pashlyeshme, një dëshmi e një jete të përkushtuar bukurisë, disiplinës dhe dashurisë për artin.