Dhoma Vendore e Avokatisë Vlorë ka reaguar ashpër ndaj vendimit për zhvendosjen e Agjencia Shtetërore e Kadastrës nga Vlora drejt Tiranë, duke e cilësuar atë të papranueshëm, të njëanshëm dhe thellësisht të dëmshëm për qytetin, profesionistët e drejtësisë dhe qytetarët e qarkut. Në një deklaratë publike, Dhoma thekson se vendimi është marrë pa konsultim dhe pa analizë reale të pasojave.

Sipas Dhomës së Avokatisë, ky veprim nuk është i izoluar, por pjesë e një politike sistematike të zbrazjes institucionale të Vlorës. Ajo kujton largimin e mëparshëm të Gjykatës Administrative dhe Gjykatës së Apelit, duke e lënë qytetin pa institucione kyçe të drejtësisë dhe duke e kthyer atë në një “periferi institucionale pa peshë” në hartën juridike të vendit.

Reagimi nënvizon se largimi i institucioneve shtetërore cenon aksesin në drejtësi dhe shërbime publike, godet drejtpërdrejt profesionin e avokatit dhe përbën diskriminim territorial në favor të centralizimit ekstrem në Tiranë. Dhoma Vendore e Avokatisë Vlorë kërkon rishikimin dhe anulimin e menjëhershëm të vendimit, ndërprerjen e kësaj politike dhe rikthimin e funksioneve gjyqësore e administrative. Në të kundërt, paralajmëron ndërmarrjen e veprimeve institucionale dhe ligjore për mbrojtjen e interesit publik dhe dinjitetit të qytetit.

⏩𝐊𝐋𝐈𝐊𝐎 𝐊𝐄𝐓𝐔⏪ 𝐏𝐄𝐑 𝐓𝐄 𝐋𝐄𝐗𝐔𝐀𝐑 𝐋𝐀𝐉𝐌𝐈𝐍 𝐄 𝟐..!!!