Janë zbardhur emrat e tre të arrestuarve në Shqipëri, Asti Llupi, Erald Salla dhe Altin Shehaj, të dyshuar si pjesë e grupit kriminal që trafikonin lëndë narkotike mes Amerikës së Jugut, Shqipërisë dhe Italisë.
Nga 24 urdhër-arrestet e lëshuara në operacionin e përbashkët SPAK–Prokuroria e Brescias, janë ekzekutuar 10, mes tyre edhe oficeri i Antiterrorit, Igli Haxhiaj.
Hetimet tregojnë se grupi kishte baza në Rovato dhe Palazzolo, ndërsa lëndët narkotike transportoheshin me kamionë e autobusë, shpesh pa dijeninë e shoferëve. Autoritetet sekuestruan 550 mijë euro, 10 automjete, një armë zjarri dhe 130 kilogramë drogë me vlerë rreth 12 milionë euro, ndërsa hetimet për rrjetin vijojnë.