Gjykata e Posaçme ka vendosur të lërë në burg oficerin e Antiterrorit, Igli Haxhiaj, i arrestuar si pjesë e aksionit të përbashkët mes SPAK dhe Prokurorisë së Breshias, i dyshuar për përfshirje në trafikun e drogës nga Amerika Latine dhe Shqipëria drejt Italisë.
Gjatë mbrojtjes së tij, Haxhiaj mohoi çdo përfshirje në grupin kriminal dhe deklaroi se llogaria në platformën SkyECC nuk ishte e tij, duke shtuar se kishte qenë pjesë e grupit hetimor dhe kishte marrë certifikatë lavdërimi nga autoritetet italiane për kontributin e tij. Ai i kujtoi prokurorët shqiptarë se roli i tij ishte i qartë dhe dokumentuar si pjesë e hetimeve.
⏩𝐊𝐋𝐈𝐊𝐎 𝐊𝐄𝐓𝐔-LEXO LAJMIN E 2..
Avokatia e tij nënvizoi mungesën e provave teknike dhe materiale që ta lidhin Haxhiaj me komunikimet në SkyECC, duke deklaruar se transkriptimet e administruara janë të fragmentuara, të paautentifikuara dhe pa prova dixhitale të mbështetura nga IMEI, IP, metadata apo pajisje të sekuestruara. Mbrojtja theksoi se nuk ka asnjë provë që ai të ketë përdorur ndonjë pajisje të lidhur me PIN-in HY67U7, ndërsa identifikimi i tij mbetet i pa konfirmuar dhe i pambështetur shkencërisht, duke vënë në dyshim vlefshmërinë e akuzave të bazuara kryesisht në këto komunikime.