Gazetari Ardit Rada, i ftuar në “Ora e Fundit” në ABC News, komentoi pezullimin e mundshëm të zv.kryeministres Belinda Balluku, duke e krahasuar rastin me praktikat perëndimore ku zyrtarët vijojnë detyrën deri në një vendim të formës së prerë.
Ai theksoi se rasti bëhet edhe më i debatueshëm në krahasim me çështjen e Sali Berishës, i cili u lirua nga arresti shtëpiak për shkak të rolit të tij politik, ndërsa për Ballukun, sipas Radës, nuk është marrë parasysh fakti se ajo u shërben të gjithë qytetarëve dhe nuk ka bërë deklarata kundër drejtësisë. Rada shtoi se akuzat ndaj saj mbështeten kryesisht në komunikime telefonike pa ekspertiza teknike mbi veprat për të cilat po hetohet, duke ngritur pyetje mbi mungesën e provave konkrete.
⏩𝐊𝐋𝐈𝐊𝐎 𝐊𝐄𝐓𝐔-LEXO LAJMIN E 2..
Në vijim ai paralajmëroi se pezullimi automatik i zyrtarëve nën hetim rrezikon të cenojë parimin e prezumimit të pafajësisë dhe të krijojë precedent të rrezikshëm për funksionimin e institucioneve. Sipas Radës, në vendet perëndimore ku Shqipëria synon të afrohet, figura të larta politike kanë qëndruar në detyrë edhe për vite të tëra gjatë proceseve hetimore, dhe nëse gjyqi ndaj Ballukut zgjat dhjetë vjet, atëherë pezullimi do të mbante peng për një kohë të gjatë jetën e saj politike. Ai theksoi se në Shqipëri vendimet e drejtësisë shpesh interpretohen politikisht, ndaj debati mbi këtë çështje duhet të fokusohet tek standardet dhe jo tek preferencat partiake.