Këngëtarja Mira Konçi, e ftuar në podcastin e Grida Dumës, foli hapur për komentet e pavërteta që qarkullojnë për të dhe presionin emocional që krijojnë.
Ajo pranoi se shpesh e lëndojnë thashethemet, sidomos kur nuk lidhen fare me jetën e saj, por zgjedh të ruajë qetësinë edhe kur ndjen revoltë të brendshme. Konçi tha se habitet me sigurinë me të cilën njerëzit komentojnë gjëra që, sipas saj, “nuk u kanë hije dhe janë totalisht të pavërteta”.
Në rrëfimin e saj, artistja tregoi edhe për vendimin për të jetuar në SHBA, i cili u diktua nga mundësitë për fëmijët. Ajo u përshtat shpejt me punën e re, ndërsa bashkëshorti Shpëtim Saraçi u kthye në Shqipëri pasi nuk gjeti të njëjtin realitet profesional. Konçi tha se mbeti pranë fëmijëve duke mbajtur peshën kryesore të familjes, ndërsa distanca brenda çiftit ishte një periudhë e vështirë emocionalisht për të gjithë.