Gazetari Fitim Zekthi komentoi urimin e sekretarit amerikan Marco Rubio për pavarësinë e Shqipërisë
duke theksuar se SHBA ka ndryshuar fokusin nga lufta kundër terrorizmit drejt luftës ndaj trafikut të drogës. Ai shprehu se Shqipëria është një nyje kyçe në rrjetin e trafikut të drogës dhe Shtetet e Bashkuara e konsiderojnë këtë prioritet për sigurinë e tyre.
Zekthi theksoi se lufta kundër grupeve kriminale është tani instrument i SHBA për të mbrojtur interesat kombëtare dhe për të kontrolluar kartelet ndërkombëtare. Shqipëria, sipas tij, duhet të angazhohet fuqishëm në këtë proces për të parandaluar kalimin e drogës drejt Europës dhe për të përmbushur pritshmëritë e partnerëve amerikanë.