Kreu i Partisë Demokratike, Sali Berisha, ka reaguar me një deklaratë të gjatë në lidhje me hetimet e SPAK ndaj ish-ministres Belinda Balluku, e pezulluar nga detyra për aferat e tunelit të Llogarasë dhe Unazës së Madhe.
Berisha pretendon se Balluku është vënë në rolin e një “të penduare publike” dhe se, sipas tij, ajo po ushtron presion politik dhe institucional për të siguruar mbrojtje. Ai akuzon kryeministrin Edi Rama për përfshirje të drejtpërdrejtë në çështje dhe deklaron se Balluku disponon materiale komprometuese ndaj shumë zyrtarëve të lartë.
Sipas Berishës, tensionet mes saj dhe Ramës janë përshkallëzuar pas vendimit të GJKKO, ndërsa ai akuzon qeverinë për përpjekje për të influencuar Gjykatën Kushtetuese. Autoritetet nuk kanë komentuar mbi pretendimet politike të Berishës.